Joan Garsiya kamida uch haftaga safdan chiqdi
Unga jarrohlik amaliyoti talab qilinmaydi.
ФОТО: Getty images
“Barselona” darvozaboni Joan Garsiya tizzasidan olgan jarohati sabab taxminan uch hafta maydonga tusha olmaydi.
AS ma’lumotiga ko‘ra, tibbiy tekshiruv 25 yoshli futbolchining o‘ng tizzasi meniskida kichik shikastlanish borligini aniqlagan. Unga jarrohlik amaliyoti talab qilinmaydi.
Shu sabab Garsiya 19-sentabr kuni Ispaniya chempionati doirasida safarda “Sevilya”ga qarshi o‘yinda ishtirok etmaydi.
Garsiya jarohatni 16-sentabr kuni “Rasing”ga qarshi 7:2 hisobida yakunlangan uchrashuvning birinchi bo‘limida olgan edi. Tanaffusda “Barselona” bosh murabbiyi Xans-Diter Flik uni Voytsex Shesniga almashtirgan.
