«Inter Mayami» «Vankuver Uaytkaps»ni magʻlub etib, ilk bor MLS Kubogini qoʻlga kiritdi
MLS pley-off finali yakunlandi: «Inter Mayami» va «Vankuver Uaytkaps» Fort-Loderdalening «DRV PNK Stadium» stadionida kuch sinashdi. 3:1 hisobidagi g‘alaba Florida jamoasiga nasib etdi.
Uchrashuvning 8-daqiqasida Edyer Okampo o‘z darvozasiga gol urib, Florida jamoasiga ustunlik berdi. 60-daqiqada Ali Ahmed hisobni tenglashtirdi. 71-daqiqada Rodrigo De Paul «Mayami»ga ustunlikni qaytardi. 90+6-daqiqada Tadeo Allende mezbonlar safidagi uchinchi golni kiritdi.
Eslatib oʻtamiz, pley-off yarimfinalida «Inter Mayami» «Nyu-York Siti»ni 5:1 hisobida mag‘lub etgan, «Vankuver Uaytkaps» esa «San-Diego»ni 3:1 hisobida yenggandi.
Eslatib o‘tamiz, «Inter Mayami» va «Vankuver Uaytkaps» MLS doirasida oxirgi marta 2024 yilning 26 mayida uchrashgan edi. O‘sha o‘yinda «Mayami» 2:1 hisobida g‘alaba qozongan.
Maʼlumot uchun, ushbu muvaffaqiyat «Inter Mayami» tarixidagi birinchi MLS Kubogi bo‘ldi.
