«Интер Майами» «Ванкувер Уайткапс»ни мағлуб этиб, илк бор MLS Кубогини қўлга киритди
MLS плей-офф финали якунланди: «Интер Майами» ва «Ванкувер Уайткапс» Форт-Лодердалнинг «DRV PNK Stadium» стадионида куч синашди. 3:1 ҳисобидаги ғалаба Флорида жамоасига насиб этди.
Учрашувнинг 8-дақиқасида Эдйер Окампо ўз дарвозасига гол уриб, Флорида жамоасига устунлик берди. 60-дақиқада Али Ахмед ҳисобни тенглаштирди. 71-дақиқада Родриго Де Паул «Майами»га устунликни қайтарди. 90+6-дақиқада Тадео Алленде мезбонлар сафидаги учинчи голни киритди.
Эслатиб ўтамиз, плей-офф яримфиналида «Интер Майами» «Нью-Йорк Сити»ни 5:1 ҳисобида мағлуб этган, «Ванкувер Уайткапс» эса «Сан-Диего»ни 3:1 ҳисобида енгганди.
Эслатиб ўтамиз, «Интер Майами» ва «Ванкувер Уайткапс» MLS доирасида охирги марта 2024 йилнинг 26 майида учрашган эди. Ўша ўйинда «Майами» 2:1 ҳисобида ғалаба қозонган.
Маълумот учун, ушбу муваффақият «Интер Майами» тарихидаги биринчи MLS Кубоги бўлди.
