Insayd. Igor Sergeyev O‘zbekiston milliy terma jamoasiga qaytdi
Futbol
Farhod Fayziyev
Ekspert
FОТО: the-AFC.com
Xabaringiz bor, O‘zbekiston milliy terma jamoasi iyun oyining boshida JCh-2026 saralash doirasida BAA va Qatarga qarshi o‘yinlar o‘tkazadi.
Sports24.uz sayti ma’lumotiga ko‘ra, "Paxtakor" klubi hujumchisi Igor Sergeyev mazkur o‘yinlarga chaqiruv oladi.
Futbolchi 2024 yil yanvar oyida Qatarda o‘tgan Osiyo kubogi doirasida Avstraliyaga qarshi bahsda jiddiy jarohat olib operatsiya stoliga yotishga majbur bo‘lgandi.
2025 yil boshida "Paxtakor"ga qaytgan Sergeyev hozirga qadar klub safida barcha musobaqalarda 13 ta uchrashuvda maydonga tushib, 8 ta gol urdi va 2 ta golli uzatmani amalga oshirdi.
