Hans-Diter Flik kelasi mavsumda “Barselona”ni kim boshqarishini aytdi
Kataloniyaning “Barselona” klubi bosh murabbiyi Hans-Diter Flik jamoadagi kelajagi haqida gapirdi. Nemis mutaxassisining “ko'k-anorranglilar” bilan tuzgan amaldagi shartnomasi 2026-yilga qadar amal qiladi.
“O'ylaymanki, kelasi yil ham jamoani o'zim boshqaraman. Chunki kelasi mavsum oxirigacha shartnomam bor. Men bu yerdaligimdan va “Barsa”ni boshqarayotganimdan juda xursandman. Men bu jamoani yaxshi ko'raman.
Hozir bu haqda gapirishning vaqti emas. Biz bor e'tiborimizni maqsadlarimizga qaratganmiz va bu klubdagi mavqeimdan muhimroq. Biz kelajakda nima bo'lishiga e'tibor qaratganimiz yo'q”, - deydi Flik.
Eslatib o'tamiz, “Barselona” 30-aprel, chorshanba kuni UEFA Chempionlar Ligasi yarim finalining dastlabki o'yinida “Inter”ga qarshi maydonga tushadi.
