Grinvud Fransiyaning oktyabr oyidagi eng yaxshi futbolchisi
O‘tgan oyda u ligada 5 ta gol urdi.
ФОТО: Getty images
"Marsel"ning 24 yoshli yarim himoyachisi Meyson Grinvud Footmercato nashri talqiniga ko‘ra, Fransiya 1 ligasining oktyabr oyidagi eng yaxshi futbolchisi deb topildi.
Grinvud 38% ovoz bilan “Strasburg”dan Xoakin Panichelli (32%) va “Nissa” vakili Sofian Diopni (30%) ortda qoldirib, individual sovrinni qo‘lga kiritdi.
Futbolchi “Gavr” darvozasiga to‘rtta gol urdi. Umuman olganda, Grinvud oktyabr oyida oltita gol urdi: beshtasi Fransiya chempionatida va bittasi Chempionlar ligasida “Ayaks” darvozasiga.
Yarim himoyachi 2024 yilning yozida 26 million yevro evaziga "Manchester Yunayted"dan "Marsel"ga o‘tgan edi. O‘tgan mavsumda u 21 ta gol bilan jamoaning eng yaxshi to‘purari bo‘lib, faqat “PSJ” futbolchisi Usmon Dembeledan ortda qolgandi.
Roziqjon Sultonmurodov
Jurnalist