Dovbik yozda “Roma”ni tark etishi mumkin

Rimning “Roma” klubi hujumchisi Artyom Dovbik yozgi transferlar vaqtida jamoasini o'zgartirishi mumkin. Bu haqda SportArena.com xabar bermoqda.

Manbaga ko'ra, “Roma” 40 million yevro evaziga ukrainalik hujumchi bilan xayrlashishga tayyor. Turkiyaning “Beshiktosh” klubi Dovbikka qiziqish bildirmoqda va bu summani to'lashga roziligi aytilmoqda.

Ma'lumot uchun, Dovbik joriy mavsum barcha turnirlarda 45 ta o'yinda maydonga tushib, 17 ta gol urdi va 4 ta golli uzatmani amalga oshirdi. Uning Transfermarkt'dagi narxi 30 million yevroga baholanmoqda.

Nasrullo Karimov

Jurnalist