Bastonining «Barselona»ga transferi barbod boʻldi
«Inter» himoyachisi Alessandro Bastonining «Barselona»ga amalga oshishi mumkin boʻlgan transferi barbod boʻldi. Bunga «koʻk-anorranglilar» bosh murabbiyi Hans-Diter Flikning 27 yoshli futbolchi nomzodini maʼqullamagani sabab boʻlgan. Bu haqda Sport.es xabar bermoqda.
Manbaning yozishicha, germaniyalik mutaxassis Bastonining texnik koʻrsatkichlari jamoaga yuqori pressing ostida katta intensivlik bilan oʻynash imkonini berishiga shubha qilgan. Shu sababli, Kataloniya klubi sport direktori Deku boshqa variantlarni oʻrganishga kirishgan.
Avvalroq, Flik Bastonining oʻyin uslubini baholayotgani haqida xabarlar tarqalgan edi. Shuningdek, matbuotda Bastonining «Inter»dan «Barselona»ga oʻtish transfer summasi 50-60 million yevroni tashkil qilishi mumkinligi qayd etilgandi.
