“Barselona”ning sobiq futbolchisi “Betis”ga qaytishga yaqin turibdi

“Lids Yunayted” himoyachisi Ektor Firpo tez orada “Betis”ga qaytadi. Bu haqda insayder Fabritsio Romano xabar bermoqda.

Manbaga ko'ra, tomonlar o'rtasidagi muzokaralar yakuniy bosqichda, Firpo “Betis” bilan erkin agent sifatida 3 yillik shartnoma imzolaydi.

Eslatib o'tamiz, Firpo avvalroq 2015-yildan 2019-yilgacha “Betis” safida, 2019-yildan 2021-yilgacha “Barselona” safida faoliyat yuritgan.

Ma'lumot uchun, Firpo o'tgan mavsumda 35 ta o'yin o'tkazib, 4 ta gol urdi va 10 ta golli uzatmani amalga oshirdi. Uning Transfermarkt'dagi narxi 8 million yevroga baholanmoqda.

Nasrullo Karimov

Jurnalist