“Barselona”ga Niko Uilyams kerak emas
Photo: Getty Images
Kataloniyaning “Barselona” klubi yozda Niko Uilyamsni sotib olmaydi. Bu haqda Marca xabar bermoqda.
Ta'kidlanishicha, “Barsa” sport direktori Deku va bosh murabbiy Hansi Flik “Atletik”ning 22 yoshli vingerini sotib olish fikridan voz kechishgan.
“Barselona” yozda boshqa chiziqlarni kuchaytirishga e'tibor qaratadi. Hozircha hujum pozitsiyasi vakillariga ehtiyoj yo'qligi ma'lum qilingan.
Ma'lumot uchun, Niko Uilyams joriy mavsum La Ligada 27 o'yinda 5 ta gol urgan.
