“Barselona\" Voytsex Shesni o'rniga nomzodlarni ko'rib chiqmoqda

Kataloniyaning “Barselona” klubi darvozabon Voytsex Shesnining kelajagini muhokama qilmoqda. Uning shartnomasi 2026-yilning yozida yakuniga yetadi.

Shu munosabat bilan “ko'k-anorranglilar” rahbariyati polshalik golkiperning o'rnini bosa oladigan va Mark-Andre ter Shtegen bilan raqobatlasha oladigan darvozabonlar ro'yxatini tuzib chiqdi. Bu haqda Sport.es nashri xabar bermoqda.

Manbaga ko'ra, ispan grandi “Lill”ning 23 yoshli darvozaboni Lyuk Chevalier, “Brayton”ning 22 yoshli posboni Bart Verbruggen va “Espanyol” a'zosi Joan Garsiyaga qiziqish bildirmoqda.

Eslatib o'tamiz, avvalroq Shesni klub unga shartnomani uzaytirishni taklif qilgani, ammo u bu masalani oilasi bilan muhokama qilishi kerakligini aytgandi.

Nasrullo Karimov

Jurnalist