“Barselona” sport direktori Ronald Arauxoning kelajagiga oydinlik kiritdi
Urugvaylik futbolchining kataloniyaliklar bilan shartnomasi 2031-yilga qadar amal qiladi.
FOTO: Getty Images
Kataloniyaning “Barselona” klubi sport direktori Deko Ronald Arauxoning jamoadagi kelajagi haqida gapirdi.
“Biz Ronalddan mamnunmiz. U klubda baxtli, shuning uchun uning kelajagi haqida gapirishdan ma'no yo'q”, - deya Dekoning so'zlarini keltiradi Fabritsio Romano.
Ma'lumot uchun, Arauxo 2020-yildan buyon “Barselona” safida o'ynab kelmoqda. U joriy mavsum barcha turnirlarda 24 ta o'yinda maydonga tushib, 2 ta gol urdi va 2 ta golli uzatmani amalga oshirdi.
26 yoshli urugvaylik futbolchining kataloniyaliklar bilan tuzgan amaldagi shartnomasi 2031-yilga qadar amal qiladi. Uning Transfermarkt'dagi narxi 50 million yevroga baholanmoqda.
Nasrullo Karimov
Jurnalist
