“Barselona” Lamin Yamalga munosib o'rinbosar topdi

Futbol 08 iyn 2025 da 02:14

Nasrullo Karimov

Журналист

Kataloniyaning “Barselona” klubi PSV vingeri Ivan Perishichni o'z safiga qo'shib olmoqchi. Bu haqda BILD nashriga tayanib Mundo Deportivo xabar bermoqda.

Manbaga ko'ra, 36 yoshli xorvatiyalik futbolchining PSV bilan tuzgan amaldagi shartnomasi joriy yilning 30-iyunida yakuniga yetadi. Tomonlar haligacha bitimni uzaytirish bo'yicha aloqa o'rnatmagan.

Qayd etilishicha, “Barselona” bosh murabbiyi Hans-Diter Flik Perishich bilan “Bavariya”da birga ishlagan va endi uni Lamin Yamalga raqobatchi sifatida jamoaga olib kelmoqchi.

Ma'lumot uchun, Ivan Perishich 2024-yilning sentyabridan buyon PSV klubida to'p surmoqda. U o'tgan mavsum barcha turnirlarda 39 ta o'yinda maydonga tushib, 16 ta gol urdi va 11 ta golli uzatmani amalga oshirdi.

Aloqador jamoalar va ligalar

Barcelona

Jong PSV

Ispaniya La Ligasi

Niderlandiya Eredivizioni