“Barselona” Inigo Martines bilan shartnomani uzaytirmoqchi

Kataloniyaning “Barselona” klubi markaziy himoyachi Inigo Martines bilan 2026-yilda yakuniga yetadigan shartnomani uzaytirish ustida ishlamoqda. Bu haqda Sport.es nashri xabar berdi.

Manbaga ko'ra, “ko'k-anorranglilar” 34 yoshli futbolchi bilan 2027-yilning yoziga qadar mo'ljallangan yangi shartnoma imzolamoqchi.

Klub Martinesning yetakchilik fazilatlarini, shuningdek, joriy mavsum himoyada birga o'ynagan Pau Kubarsi bilan o'zaro munosabatlarini qadrlaydi. Jamoa bosh murabbiyi Hansi Flik ham Martines bilan shartnomani uzaytirilishini istamoqda.

Ma'lumot uchun, Inigo joriy mavsum barcha turnirlarda 46 ta o'yinda maydonga tushib, 3 ta gol urdi va 6 ta golli uzatmani amalga oshirdi. Uning Transfermarkt'dagi narxi 5 million yevroga baholanmoqda.

Nasrullo Karimov

Jurnalist