\"Barselona\" himoyachisi APL klubiga o'tishi mumkin
“Barselona” qanot himoyachisi Jerar Martin faoliyatini Angliya chempionatida davom ettirishi mumkin, deya xabar beradi Sport.es.
Manbaga ko'ra, “Vulverxempton” klubi 23 yoshli himoyachi uchun da’vogarlik qilmoqda. Kataloniya klubi ham Martin bo'yicha 12 mln yevrolik taklif tushsa, uni qo'yib yuborishga tayyor.
Futbolchining o'zi esa “Barselona”da qolishni istamoqda. Ammo “Vulverxempton” uning maoshini sezilarli darajada oshirishga va uzoq muddatli shartnoma taklif qilishga tayyor.
O'tgan mavsumda Jerar barcha turnirlarda 42ta o'yinda maydonga tushib, 1ta gol urdi va 6ta assistni o'z hisobiga yozib qo'ydi. Futbolchining klub bilan amaldagi mehnat shartnomasi 2028 yilning yozigacha mo'ljallangan. Martin qiymati Transfermarkt portali tomonidan 7,5 million yevroga baholangan.
