«Barselona» Ferran Torresni 50 million yevroga sotishga tayyor
“Barselona” hujumchisi Ferran Torres yaqinda “PSJ” futbolchisiga aylanishi mumkin. Bu haqida Sport.es nashri xabar berdi.
Manbaga ko‘ra, kataloniyaliklar 26 yoshli ispaniyalik futbolchini 50 million yevro evaziga qo‘yib yuborishga tayyor. Hozirda Torres Parij klubi bilan faol muzokaralar olib bormoqda.
Avvalroq “Barselona” bonuslarni ham o‘z ichiga olgan 45 million yevrolik taklifni rad etgan edi. Qayd etilishicha, “PSJ” bosh murabbiyi Luis Enrike Ferran Torres transferiga shaxsan qiziqish bildirmoqda. Mutaxassis Ispaniya terma jamoasidagi hamkorligi davomida futbolchining universalligi va bir nechta pozitsiyada samarali harakat qila olish qobiliyatini yuqori baholagan.
Ferran Torresning “Barselona” bilan amaldagi shartnomasi 2027 yil yozigacha mo‘ljallangan.
Xabar qilinishicha, kataloniya klubi Torres transferidan tushadigan mablag‘ni “Atletiko” hujumchisi Xulian Alvaresni sotib olishga sarflashni rejalashtirmoqda.
