«Atletiko» va «Barselona» Silva uchun da’vogar
Ikkala ispan jamoasi ham futbolchi va uning vakillari bilan faol muloqot olib bormoqda.
ФОТО: Getty images
«Manchester Siti» yarim himoyachisi Bernardu Silva biryo‘la ikkita ispan grandi – Madridning «Atletiko» va «Barselona» klublari bilan muzokaralarning ilg‘or bosqichida turibdi.
Bu haqda jurnalist Matteo Moretto xabar bermoqda. Portugaliyalik futbolchi shu yozda shartnomasi yakunlangach, Angliya klubini tark etadi, biroq yangi klub borasidagi yakuniy tanlov hali qilinmagan.
Ikkala ispan jamoasi ham futbolchi va uning vakillari bilan faol muloqot olib bormoqda. O‘tgan mavsumda «Transfermarkt» portali talqiniga ko‘ra bozor qiymati 27 million yevroni tashkil etadigan 31 yoshli futbolchi maydonda 53 ta o‘yin o‘tkazib, 2 ta gol urgan va 5 ta golli uzatmani amalga oshirgan.
Roziqjon Sultonmurodov
Jurnalist
