«Атлетико» ва «Барселона» Силва учун даъвогар

«Манчестер Сити» ярим ҳимоячиси Бернарду Силва бир йўла иккита испан гранди – Мадриднинг «Атлетико» ва «Барселона» клублари билан музокараларнинг илғор босқичида турибди.

Бу ҳақда журналист Маттео Моретто хабар бермоқда. Португалиялик футболчи шу ёзда шартномаси якунлангач, Англия клубини тарк этади, бироқ янги клуб борасидаги якуний танлов ҳали қилинмаган.

Иккала испан жамоаси ҳам футболчи ва унинг вакиллари билан фаол мулоқот олиб бормоқда. Ўтган мавсумда «Transfermarkt» портали талқинига кўра бозор қиймати 27 миллион еврони ташкил этадиган 31 ёшли футболчи майдонда 53 та ўйин ўтказиб, 2 та гол урган ва 5 та голли узатмани амалга оширган.

Розикжон Султонмуродов

Журналист