Ansu Fati faoliyatini Liga 1'da davom ettirishi mumkin
FOTO: Getty Images
Kataloniyaning “Barselona” klubi hujumchisi Ansu Fati faoliyatini Liga 1'da davom ettirishi mumkin. Bu haqda insayder Fabritsio Romano xabar bermoqda.
Manbaga ko'ra, “Monako” ispaniyalik futbolchiga qiziqish bildirmoqda va yozgi transferlar vaqtida o'z safiga qo'shib olmoqchi. Ta'kidlanishicha, Fatining o'zi ham ushbu transferga rozi bo'lgan.
Qayd etilishicha, “Monako” Fatini sotib olish huquqi bilan ijaraga olish bo'yicha muzokaralar olib bormoqda.
Ma'lumot uchun, Fati joriy mavsum barcha turnirlarda 11 ta o'yinda maydonga tushdi, biroq gol ura olmadi. Uning “Barselona” bilan tuzgan amaldagi shartnomasi 2027-yilning yoziga qadar amal qiladi.
Nasrullo Karimov
Jurnalist
