“An-Nassr” Krishtianu Ronalduga o'rinbosar topdi

Futbol 29 may 2025 da 11:08

Nasrullo Karimov

Jurnalist

“Liverpul” vingeri Luis Diaz “An-Nassr”ning yozdagi asosiy transfer maqsadiga aylandi. Bu haqda talkSPORT nashri xabar bermoqda.

Manbaga ko'ra, 40 yoshli hujumchisi Krishtianu Ronaldu ijtimoiy tarmoqlarda jamoani tark etishiga shama qilganidan so'ng Saudiya klubi kolumbiyalik futbolchiga e'tibor qaratgan.

Ta'kidlanishicha, “Liverpul” “An-Nassr”ning Luis Diasga qiziqishidan xabardor va shuning uchun shartnomani uzaytirmoqchi.

Ma'lumot uchun, Dias joriy mavsum barcha turnirlarda 50 ta o'yinda maydonga tushib, 17 ta gol urdi va 8 ta golli uzatmani amalga oshirdi. Uning Transfermarkt'dagi narxi 85 million yevroga baholanmoqda.