\"An-Nasr\" Dias transferi uchun 85 mln yevro sarflashga tayyor
Saudiyaliklar unga jiddiy qiziqish bildirmoqda
Photo: Getty Images
“An-Nasr” klubi “Liverpul” vingeri Luis Diasni yozgi transferlar uchun asosiy nomzod sifatida belgiladi. Bu haqda TeamTalk portali xabar berdi.
Manbaga ko‘ra, klub direktorlar kolumbiyalik futbolchining transferi bo‘yicha taklif yuborish uchun mablag‘ so‘rashgan.
Futbolchining transfer bahosi 85 mln yevroni tashkil etmoqda. Saudiyaliklar ushbu summani to‘lashga tayyor. 28 yoshli futbolchiga “Barselona” ham jiddiy qiziqish bildirmoqda.
O‘tgan mavsumda Dias APLda 36ta o‘yinda maydonga tushib, 13ta gol urdi va 5ta golli uzatmani amalga oshirdi.
