Angelos Postekoglu «An-Nasr» bosh murabbiyiga aylandi
Saudiya Arabistonining “An-Nasr” klubi sobiq “Tottenhem Hotspur” murabbiyi Angelos Postekoglu jamoa bosh murabbiyi etib tayinlanganini ijtimoiy tarmoqlar orqali rasmiy e’lon qildi.
Mutaxassis yangi klubi bilan ikki yillik shartnoma imzoladi.
Postekoglu murabbiylik faoliyati davomida Avstraliya terma jamoasi, “Seltik”, “Tottenhem Hotspur”, “Nottingem Forest” hamda yana bir qator klublarni boshqargan.
Uning eng katta muvaffaqiyatlari “Seltik” bilan bog‘liq bo‘lib, u klubni ikki marta Shotlandiya chempioni qilgan, shuningdek, Shotlandiya kubogi va ikki marta Liga kubogini qo‘lga kiritgan.
“Tottenhem”da esa Postekoglu jamoani UEFA Yevropa ligasi g‘olibligiga olib chiqqan.
Uning “An-Nasr”gacha bo‘lgan so‘nggi ish joyi “Nottingem Forest” bo‘lib, u mazkur klubni 2025 yil oktyabr oyida tark etgan edi.
