Adeyemi: «Men ko‘rgan eng yaxshi futbolchi — Messi»
«Barselona»ning yangi hujumchisi Karim Adeyemi kataloniyaliklar safiga qo‘shilgach, klub afsonasi Lionel Messi haqida iliq fikrlar bildirdi.
— Men ko‘rgan eng yaxshi futbolchi — Messi. Men uchun har doim eng yaxshisi u bo‘lgan. Shuningdek, Ronaldinhoning o‘yinini kuzatish ham juda zavqli edi. Bu klub sharafini himoya qilgan boshqa ko‘plab buyuk futbolchilar ham bo‘lgan, — dedi Adeyemi.
24 yoshli futbolchi Lamin Yamalning iqtidorini ham yuqori baholadi.
—Yamal bilan shaxsan tanish emasman, ammo u maydonda o‘zi haqida hamma narsani ko‘rsatadi. U ajoyib futbolchi va zamonaviy futbol uchun zarur bo‘lgan barcha sifatlarga ega. Menimcha, biz o‘rtasida juda yaxshi hamkorlik shakllanishi mumkin. U nafaqat yaxshi to‘purar, balki kuchli dribler ham. Shu bilan birga, u sheriklari uchun ham imkoniyatlar yaratadi. Bu esa menga juda mos keladi. Men chuqurlikdan hujumga chiqib, uzatmalarni qabul qilishni yaxshi ko‘raman va shu jihatdan jamoaga katta foyda keltirishim mumkin, — dedi Adeyemi.
Eslatib o‘tamiz, Karim Adeyemi 2025/26 yilgi BundesLiga mavsumida Dortmundning «Borussiya»si safida 28 ta uchrashuvda maydonga tushib, 7 ta gol urdi va 4 ta golli uzatma amalga oshirdi.
