Адейеми: «Мен кўрган энг яхши футболчи — Месси»
«Барселона»нинг янги ҳужумчиси Карим Адейеми каталонияликлар сафига қўшилгач, клуб афсонаси Лионель Месси ҳақида илиқ фикрлар билдирди.
— Мен кўрган энг яхши футболчи — Месси. Мен учун ҳар доим энг яхшиси у бўлган. Шунингдек, Роналдиньонинг ўйинини кузатиш ҳам жуда завқли эди. Бу клуб шарафини ҳимоя қилган бошқа кўплаб буюк футболчилар ҳам бўлган, — деди Адейеми.
24 ёшли футболчи Ламин Ямальнинг иқтидорини ҳам юқори баҳолади.
—Ямаль билан шахсан таниш эмасман, аммо у майдонда ўзи ҳақида ҳамма нарсани кўрсатади. У ажойиб футболчи ва замонавий футбол учун зарур бўлган барча сифатларга эга. Менимча, биз ўртасида жуда яхши ҳамкорлик шаклланиши мумкин. У нафақат яхши тўпурар, балки кучли дриблёр ҳам. Шу билан бирга, у шериклари учун ҳам имкониятлар яратади. Бу эса менга жуда мос келади. Мен чуқурликдан ҳужумга чиқиб, узатмаларни қабул қилишни яхши кўраман ва шу жиҳатдан жамоага катта фойда келтиришим мумкин, — деди Адейеми.
Эслатиб ўтамиз, Карим Адейеми 2025/26 йилги Бундеслига мавсумида Дортмунднинг «Боруссия»си сафида 28 та учрашувда майдонга тушиб, 7 та гол урди ва 4 та голли узатма амалга оширди.
