Ademola Lukman MYU, “Liverpul” va “Yuventus” o'rtasida talash bo'lmoqda
FOTO: Getty Images
“Atalanta” vingeri Ademola Lukman faoliyatini Yevropaning boshqa grand klublarida davom ettirishi mumkin. Bu haqda TuttoJuve nashri xabar bermoqda.
Manbaga ko'ra, nigeriyalik hujumchiga “Manchester Yunayted”, “Liverpul” va “Yuventus” qiziqish bildirmoqda. “Atalanta” esa Lukman uchun 60 million yevro talab qilmoqda.
Qayd etilishicha, futbolchining o'zi jamoasini o'zgartirish borasida hali to'liq bir to'xtamga kelmagan.
Ma'lumot uchun, Lukman joriy mavsum 36 ta o'yinda maydonga tushib, 18 ta gol urdi va 7 ta golli uzatmani amalga oshirdi. Uning Transfermarkt'dagi narxi 60 million yevroga baholanmoqda.
Nasrullo Karimov
Jurnalist
