A Seriya. \"Latsio\" Rimda \"Yuventus\" bilan durang o‘ynadi
Italiya A seriyasining 36-turidan o‘rin olgan “Latsio” va “Yuventus” uchrashuvi yakunlandi.
Rimdagi bahs durang natija bilan tugadi – 1:1. Uchrashuvdagi birinchi gol 51-daqiqada kiritildi. “Yuventus”ning fransiyalik hujumchisi Randal Kolo-Muani hisobni ochdi. “Latsio” esa 90+6-daqiqada Matias Vesino tomonidan kiritilgan gol evaziga hisobni tenglashtirdi.
Qayd etish kerakki, mehmonlar 60-daqiqadan boshlab bir kishi kam bo‘lib o‘ynadi, chunki himoyachi Per Kalulu maydondan chetlatilgan edi. Mazkur o‘yindan so‘ng “Yuventus” ochkolari sonini 64 taga yetkazdi. Turinliklar Italiya chempionati turnir jadvalida to‘rtinchi o‘ringa ko‘tarilib oldi. “Latsio” esa 64 ochko bilan beshinchi pog‘onada bormoqda.
A Seriya. 36-tur
“Latsio” 1:1 “Yuventus”
Gollar: Vesino 90+6 – Kolo-Muani 51
