“Barselona” Dias va Reshfordni qo'lga kirita olmagan taqdirda kim bilan shartnoma imzolashi ma'lum bo'ldi

Kataloniyaning “Barselona” klubi yozgi transferlar vaqtida Luis Dias va Markus Reshfordni qo'lga kirita olmasa, “Arsenal” vingeri Gabriel Martinelli va “Bavariya” hujumchisi Kingsli Koman variantlarini ko'rib chiqmoqchi. Bu haqda insayder Reshad Rahman xabar bermoqda.

Manbaga ko'ra, “ko'k-anorranglilar” Dias uchun belgilangan narxni to'lashga tayyor, biroq Reshford uchun emas. Kataloniyaliklar angliyalik hujumchini faqat ijaraga olish variantini ko'rib chiqmoqda.

Eslatib o'tamiz, avvalroq Dias “Barselona”ning yozdagi asosiy transfer maqsadi ekani haqida xabarlar tarqalgandi. Shu bilan birga, Reshford ham faoliyatini ispan grandida davom ettirish istagini bildirgan.

Nasrullo Karimov

Jurnalist