Ўзбекистонлик теннисчилар халқаро мусобақаларда янги ҳафтани бошлади
Острава (Чехия) шаҳрида ATP Challenger турнири старт олди. Унда Ўзбекистоннинг энг яхши теннисчиси Ҳумоюн Султонов иштирок этяпти. Биринчи даврада у Ливан вакили Ҳади Хабибга қарши майдонга тушади. Учрашув 29 апрел, сешанба куни маҳаллий вақт билан соат 13:00 га белгиланган. Ҳозирда 26 ёшли Султонов ATP рейтингида 224-ўринда, унинг ёшдоши Хабиб эса 174-ўринда жойлашган.
Шу билан бирга, Шимкентда (Қозоғистон) умумий мукофот жамғармаси 15 минг доллар бўлган ITF турнири ҳам ўтмоқда. Унда қуйидаги ўзбекистонлик теннисчилар иштирок этмоқда:
Сергей Фомин (ATP рейтингида 499-ўрин), ўтган ҳафта яккалик финалисти ва жуфтлик ғолиби;
Максим Шин (1260-ўрин);
Раҳимбек Иброҳимов (1957-ўрин).
28 апрел куни саралашнинг иккинчи босқичида Максим Шин ва Раҳимбек Иброҳимов ўзаро кураш олиб боради. Уларнинг ўйини маҳаллий вақт билан соат 14:00 да бошланади.