O‘zbekistonlik tennischilar xalqaro musobaqalarda yangi haftani boshladi
Ostrava (Chexiya) shahrida ATP Challenger turniri start oldi. Unda O‘zbekistonning eng yaxshi tennischisi Humoyun Sultanov ishtirok etyapti. Birinchi davrada u Livan vakili Hadi Xabibga qarshi maydonga tushadi. Uchrashuv 29 aprel, seshanba kuni mahalliy vaqt bilan soat 13:00 ga belgilangan. Hozirda 26 yoshli Sultanov ATP reytingida 224-o‘rinda, uning yoshdoshi Xabib esa 174-o‘rinda joylashgan.
Shu bilan birga, Chimkentda (Qozog‘iston) umumiy mukofot jamg‘armasi 15 ming dollar bo‘lgan ITF turniri ham o‘tmoqda. Unda quyidagi o‘zbekistonlik tennischilar ishtirok etmoqda:
Sergey Fomin (ATP reytingida 499-o‘rin), o‘tgan hafta yakka lik finalist va juftlik g‘olibi;
Maksim Shin (1260-o‘rin);
Rahimbek Ibrohimov (1957-o‘rin).
28 aprel kuni saralashning ikkinchi bosqichida Maksim Shin va Rahimbek Ibrohimov o‘zaro kurash olib boradi. Ularning o‘yini mahalliy vaqt bilan soat 14:00 da boshlanadi.
