Сергей Фомин Шимкентда ITF Pro Circuit M15 турнири финалларида иштирок этди
Расм: Olamsport.uz Сергей Фомин
Қозоғистоннинг Шимкент шаҳрида ITF M15 турнири якунланди. Ўзбекистоннинг иккинчи ракеткаси Сергей Фомин ушбу мусобақада муносиб натижа қайд этди. 26 апрел куни у россиялик Павел Вербин билан жуфтлик баҳсларида чемпионликни қўлга киритди. Улар финалда Германия вакили Адриан Эцбах ҳамда Белгия теннисчиси Мартин Ван дер Меершенни 6:3, 6:3 ҳисобида мағлуб этди.
Фомин яккалик баҳсларда ҳам финалга чиққан эди. Аммо бош ғолибликка асосий даъвогар сифатида кўрсатилганига қарамай, француз теннисчиси Шон Кюненга 4:6, 6:1, 1:6 ҳисобида ютқазди. Беллашув икки соат етти дақиқа давом этди.
Ҳозирги кунда Сергей Фомин ATP рейтингида 461-ўринда, Шон Кюнен эса 937-ўринда қайд этилган.
Бакрадзе Иман
Редактор