Ўзбекистонлик теннисчи Сергей Фомин турнирнинг ярим финалига чиқиш имкониятини қўлдан бой берди
Расм: Uza.iz Сергей Фомин
Ўзбекистоннинг иккинчи рақамли теннисчиси Туркиянинг Анталия шаҳрида бўлиб ўтаётган M25 ITF серияси турнирида иштирок этди. Чорак финал босқичида Фомин мусобақанинг иккинчи рақамли теннисчиси, хорватиялик Лука Микрутга қарши майдонга тушди. Жаҳон рейтингида 317-ўринда турган Микрут Фоминни 6:4, 6:3 ҳисобида мағлуб этди. Беллашув 1 соат 32 дақиқа давом этди.
Фомин учун бу Анталиядаги кетма-кет тўққизинчи турнир бўлди. Ундан олдинги турнирда, 7 апрель куни якунланган мусобақада, вице-чемпион бўлган. Шунингдек, у жуфтликлар ўйинида чемпионликни ҳам қўлга киритган. Маълумот учун, Сергей Фомин ҳозирда ATP рейтингида 499-ўринни эгаллаб турибди.
Бакрадзе Иман
Редактор