Сергей Фомин Туркияда бўлиб ўтган халқаро M25 турнирининг вице-чемпиони бўлди
Расм: Olamsport.uz Сергей Фомин
Анталия шаҳрида ташкил этилган мусобақада ўзбекистонлик теннисчи муваффақиятли қатнашиб, финалгача етиб борди. Беллашув уч соатдан ортиқ давом этди. Фомин рейтингда ўзидан 20 поғона юқори турувчи украиналик Алексей Крутихка 6/7(4), 6/3, 5/7 ҳисобида ютқазди ва вице-чемпион бўлди.
Қиёс учун айтганда, Фоминнинг ATP рейтингдаги ўрни — 555, украиналик рақибиники эса — 535. Бу икки теннисчи ўртасидаги биринчи учрашув эди. Сергей аввалги саккиз учрашувда ғалаба қозонган ва яхши серияга эга эди.
Шунингдек, Сергей жуфтлик баҳсида ҳам финалга чиққан. У россиялик шериги билан биргаликда 7:6, 2:6, 8:10 ҳисобида мағлуб бўлган.
Ўтган ҳафта Сергей Фомин Анталияда бўлиб ўтган М15 турнирида бош совринни қўлга киритган эди.
Бакрадзе Иман
Редактор