Ўзбек теннисчиси Туркиядаги халқаро турнирнинг чорак финалига чиқди
Расм: Olamsport.uz Сергей Фомин
7–13 апрель кунлари Туркияда 25 минг доллар мукофот жамғармасига эга “Фьючерс” халқаро теннис турнири бўлиб ўтмоқда. Ўзбек теннисчиси Сергей Фомин мусобақанинг чорак финалига йўл олди. У иккинчи босқичда жаҳон рейтингида 418-ўринни эгаллаб турган Чехия вакилини 7:6, 6:4 ҳисобида мағлуб этди. Айни пайтда Фомин ATP рейтингида 499-ўринда жойлашган. Кейинги босқичда у Хорватия теннисчиси Лука Миркутга қарши кортга чиқади. Миркут 317-ўринда турибди.
Афсуски, жуфтлик баҳсларида ўзбек теннисчиси иштирокини якунлади. У Павел Вербин билан жуфтликда норвегиялик Какуволта ва Васа дуэтига 6:3, 2:0 ҳисобида ютқазди.
Ялғизлар ўртасидаги чорак финал учрашуви Тошкент вақти билан соат 15:00 да бошланади.
Бакрадзе Иман
Редактор