Янник Синнер мағлубиятдан сўнг Карлос Алкарасга мурожаат қилди
Расм: gettyimages.com
Жаҳоннинг 1-рақамли теннисчиси, италиялик Янник Синнер Римдаги грунт турнири — «Мастерс» финалида ютқазганидан сўнг испаниялик рақиби, 3-рақамли Карлос Алкарасга самимий сўзлар билан мурожаат қилди. Финалда Синнер Алкарасга 6:7 (5:7), 1:6 ҳисобида мағлуб бўлди.
«Карлос, сен ва жамоангни табриклайман. Парижга етиб борганимизда сен асосий фаворит бўласан. Сен — грунтдаги энг кучли ўйинчисан. Табриклайман ва мавсумнинг қолган қисмида омад тилайман» , — деди Синнер тақдирлаш маросимида.
Эслатиб ўтамиз, Римдаги «Мастерс» Синнер учун уч ойлик допинг қоидасини бузгани учун олинган дисквалификациядан сўнг биринчи турнир бўлди. Жорий мавсумда у Australian Open турнирини ютган эди.
Бакрадзе Иман
Редактор