Сергей Фомин Шимкентдаги ITF Pro Circuit турнири финалига чиқди
Расм: Uza.uz Сергей Фомин
Ўзбекистонлик теннисчи Сергей Фомин Қозоғистоннинг Шимкент шаҳрида ўтаётган ITF Pro Circuit серияси турнирида муваффақиятли иштирокини давом эттирмоқда. Ярим финал баҳсида Сергей Польша вакили Жаджи Здраджихни (АТР 884) катта қийинчиликсиз 6:2, 6:2 ҳисобида мағлуб этди.
Финалда ўзбекистонлик теннисчи француз Шон Суенин (АТР 937) билан куч синашади. Суенин ярим финалда украиналик Александр Брайнинни 6:1, 6:2 ҳисобида мағлуб этган.
Шу билан бирга, Сергей Фомин жуфтлик мусобақасида ҳам Павел Вербен билан финалга йўл олган. Шунингдек, Фоминда бу турнирда икки чемпионликни бир вақтда қўлга киритиш имконияти мавжуд. Яккалик финали 27 апрель куни бўлиб ўтади.
Бакрадзе Иман
Редактор