ATP рейтинги: теннисчиларимиз катта сакраш амалга оширишди, Топ-10да эса кучли рокировка кузатилди
Профессионал теннисчилар ассоциацияси (ATP) 19 май ҳолатига кўра янги ҳафталик рейтингни эълон қилди. Ўзбекистоннинг биринчи рақамли теннисчиси Ҳумоюн Султонов бир поғона пастлаб, 224-ўринни эгаллади. Иккинчи ракеткамиз Сергей Фомин сўнгги турнирда жамғарган 3 очко ҳисобига 18 поғона юқорилаб, 462-ўринга кўтарилди. Амир Милушев ва Раҳимбек Иброҳимов ҳам рейтингда жиддий сакраш амалга оширишди — тегишлича 7 ва 85 поғонага. Максим Шин эса 8 ўринга пасайди.
Шу ҳафта дунё теннис рейтингидаги энг муҳим воқеалардан бири Римдаги “Мастерс” турнири натижалари билан боғлиқ бўлди. Унда чемпионликни қўлга киритган Карлос Алкарас бир поғона юқорилаб, дунёнинг иккинчи ракеткасига айланди. Эътиборлиси, ўтган йил Римда ғолиб чиққан Александр Зверев бу йил 1/4 финалда мағлуб бўлгани сабаб 800 очко йўқотиб, учинчи ўринга тушиб кетди.
ATP рейтинги (19 май ҳолатига кўра) — Топ-10:
1. (1) Янник Синнер (Италия) — 10 380 очко (+650)
2. (3) Карлос Алкарас (Испания) — 8850 (+1000)
3. (2) Александр Зверев (Германия) — 7285 (-800)
4. (4) Тэйлор Фритц (АҚШ) — 4625 (-190)
5. (5) Жек Дрэйпер (Буюк Британия) — 4610 (+170)
6. (6) Новак Жокович (Сербия) — 4080 (-50)
7. (7) Каспер Рууд (Норвегия) — 3905 (+190)
8. (9) Лоренцо Музетти (Италия) — 3860 (+310)
9. (8) Алекс де Минаур (Австралия) — 3635
10. (10) Холгер Руне (Дания) — 3440
Ўзбекистонлик теннисчиларнинг жорий рейтинги:
224 (223). Ҳумоюн Султонов — 250 очко (-1)
462 (480). Сергей Фомин — 93 очко (+3)
1679 (1686). Амир Милушев — 2 очко (+7)
1734Т (1226T). Максим Шин — 2 очко (-8)
1854Т (1939T). Раҳимбек Иброҳимов — 1 очко (+85)
