ATP рейтинги: Султоновдан бошқалар юқорига кўтарилди, топ-10да ўзгаришлар
Ассоциация профессионал теннисчилари (ATP) янгиланган ҳафталик рейтингни эълон қилди. Ўзбекистоннинг биринчи ракеткаси Хумоюн Султонов ўтган ҳафтага нисбатан бир поғона пасайиб, 224-ўринни эгаллади. Қолган ўзбекистонлик теннисчилар эса, катта бўлмаса-да, ўз натижаларини яхшилашга муваффақ бўлишди. Мамлакатнинг иккинчи ракеткаси Сергей Фомин 2 очко тўплаб, икки поғона юқори кўтарилди. Максим Шин олти ўрин, Амир Милушев икки, Рахимбек Иброҳимов эса беш ўрин юқорига чиқди.
Жаҳон рейтингининг кучли ўнталигида ҳам ўзгаришлар кузатилди. Барселонадаги мусобақа ғолиби Холгер Руне 13-ўриндан 9-ўринга кўтарилди. Ўтган йили ушбу турнирда зафар қучган Каспер Рууд эса кучли ўнликни тарк этди. Мюнхенда чемпионликни қўлга киритган немис теннисчиси Александр Зверев Барселона финалида ютқазган Карлос Алкарас билан ўрин алмашиб, дунё рейтингида иккинчи ўринни эгаллади.
ATP рейтинги. 2025 йил 21 апрел ҳолатига кўра топ-10:
1. Янник Синнер (Италия) — 9930 очко
2. Александр Зверев (Германия) — 8085
3. Карлос Алкарас (Испания) — 8050
4. Тейлор Фритц (АҚШ) — 5115
5. Новак Жокович (Сербия) — 4120
6. Жек Дрейпер (Буюк Британия) — 3820
7. Алекс де Минаур (Австралия) — 3585
8. Андрей Рублёв (Россия) — 3530
9. Холгер Руне (Дания) — 3480
10. Даниил Медведев (Россия) — 3290
Ўзбекистон теннисчилари рейтингдаги ўрни:
224 (223). Хумоюн Султонов — 251 очко
461 (463). Сергей Фомин — 97 очко (+2)
1257 (1263). Максим Шин — 6 очко
1717Т (1719Т). Амир Милушев — 2 очко
1952Т (1957Т). Рахимбек Иброҳимов — 1 очко