UFC режаси ўзгарди: Асу Алмабаевнинг янги рақиби маълум бўлди
Қозоғистонлик енгил вазн тоифасидаги жангчи Асу Алмабаев 26 июл куни Абу-Дабида бўлиб ўтадиган UFC on ABC 9 турнирида октагонга қайтиб, перулик Хосе Очоага қарши жанг ўтказади.
DarteTeam жамоасининг маълум қилишича, Хосе Очоа мураббийлар қароридан сўнг асосий кардда Рамазон Темировнинг ўрнини эгаллайди.
Аввалроқ Асу Алмабаевнинг Темировга қарши рингга чиқиши режалаштирилган эди. Бу жанг UFC тарихида илк бор ўзбек ва қозоқ жангчилари ўртасидаги тўқнашув сифатида қайд этилиши керак эди. Бироқ Темиров турниридан четлашди ва ташкилотчилар рақибни тезда ўзгартиришди.
DarteTeam’нинг расмий Instagram саҳифасида берилган маълумотга кўра, 7 ғалаба ва 1 мағлубиятга эга бўлган Хосе Очоа (UFCда 1 ғалаба, 1 мағлубият) Темиров ўрнини эгаллайди.
Хосе Очоа Перу вакили бўлиб, профессионал фаолияти давомида жами саккиз жанг ўтказган. Улардан еттитасида ғалаба қозонган ва фақат бир марта мағлуб бўлган.
