Рамазон Темиров UFC билан янги шартнома тузди — олдинда тўртта жанг
Бошқа спорт турлари
Бакрадзе Иман
Редактор
Расм: gettyimages.com
Ўзбекистонлик UFC жангчиси Рамазон Темиров ташкилот билан янги шартнома имзолади. Бу ҳақда унинг мураббийи Жасур Алижонов Instagram орқали маълум қилди. Алижоновга кўра, Темиров UFC билан яна 4 та жангни ўз ичига олган келишувга эришган.
Маълумот учун, Рамазон Темиров ҳозирда ўта енгил вазн тоифасида UFC рейтингида 13-ўринни эгаллаб турибди. У мазкур промоушенда 2 та жанг ўтказиб, ҳар иккаласида ҳам ғалаба қозонган.
Навбатдаги жанг 27 июл куни Абу-Дабида бўлиб ўтади. Темиров октагонда қозоғистонлик Асу Алмабаевга қарши баҳс олиб боради.
