16 ёшли ўзбек пилоти 172 очко билан Қирғизистон 2025 дрифт чемпионатида етакчилик қилмоқда
16 ёшли ўзбек пилоти 172 очко билан Қирғизистон 2025 дрифт чемпионатида етакчилик қилмоқда.
Чемпионатнинг умумий ҳисобида NAFKU Racing Team жамоаси (1-ўрин жамоавий рейтингда) ва бир вақтнинг ўзида икки нафар ўзбекистонлик пилот етакчилардан жой олди:
Ли Сен Ман – 1-ўрин (172 очко)
Дилшод Юсупов – 4-ўрин (122 очко)
21-сентябр куни “Ганси” автотрасида Қирғизистон Республикаси Дрифт Чемпионати 2025нинг Иккинчи босқичи бўлиб ўтди — Марказий Осиёнинг энг кучли пилотларини жамлаган, мавсумнинг энг томошабоп мусобақаларидан бири бўлди.
Ўзбекистондан жами 11 нафар пилот иштирок этди: Фаррух Урунов, Ли Сен Ман, Дилшод Юсупов, Шоҳруххон Худойорхонов, Ҳусниддин Меликмуродов, Вячеслав Югай, Амал Қураев, Азиз Шойунусов, Анвар Каримжонов, Санжар Сайдазов ва Алексей Ли.
Иккинчи босқич пойгаси подиуми:
• Ли Сен Ман — бронза медали!
Бизнинг спортчиларимиз томошабоп кураш, ишончли заездлар ва ҳақиқий характерни намоён этдилар. Айниқса, 16 ёшли NAFKU Racing Team пилоти Ли Сен Ман алоҳида эътиборга лойиқ.
У қизғин дуэл заездлари натижасида муваффақиятини мустаҳкамлаб, подиумга кўтарилди ва Иккинчи босқич якунларида шахсий ҳисобда 3-ўринни эгаллади!
Иккинчи босқич шахсий натижалари:
• Ли Сен Ман (NAFKU Racing Team) — 3-ўрин
• Дилшод Юсупов (NAFKU Racing Team) — 8-ўрин
• Фаррух Урунов (Doppi Team) — 10-ўрин
• Санжар Сайдазов (Doppi Team) — 10-ўрин
• 17-ўрин: Шоҳруххон Худойорхонов, Ҳусниддин Меликмуродов, Анвар Каримжонов, Амал Қураев ва Алексей Ли
• Вячеслав Югай ва Азиз Шойунусов — 32-ўрин
Икки босқич якунларига кўра:
• Ли Сен Ман умумий ҳисобда 172 очко билан чемпионат етакчилигини қўлида сақлаб қолмоқда!
• Унинг жамоадоши Дилшод Юсупов эса кучли ўнликда бўлиб, умумий рейтингда юқори 4-ўринни эгаллаган!
