Жереми Доку жорий мавсум бу ишни уддалаган АПЛдаги илк футболчига айланди
ФОТО: Getty Images
“Манчестер Сити” вингери Жереми Доку Англия Премьер-лигасининг жорий мавсумида 100 та муваффақиятли дриблингни амалга оширган биринчи футболчига айланди. Бу ҳақда TNT Sports нашри хабар бермоқда.
Маълумот учун, бельгиялик футболчи 2023 йилнинг август ойидан буён “шаҳарликлар” сафида ўйнаб келмоқда. Бу давр ичида у барча турнирларда 77 та ўйинда майдонга тушиб, 12 та гол урди ва 20 та голли узатмани амалга оширди.
Докунунг “Манчестер Сити” билан тузган амалдаги шартномаси 2028 йилнинг ёзига қадар мўлжалланган. Унинг Transfermarkt даги нархи 55 миллион евро га баҳоланмоқда.
Насрулло Каримов
Журналист
