Жерар Пике «Реал Мадрид» кийиниш хонасидаги муштлашув бўйича Флорентино Переснинг фикрларини қўллаб-қувватлади
«Барселона» клубининг собиқ ҳимоячиси Жерар Пике «қироллик клуби» футболчилари Федерико Вальверде ва Аурельен Чуамени ўртасида юзага келган жанжал борасида Флорентино Переснинг фикрларига қўшилишини билдирди.
«Ҳар йили кийиниш хоналарида муштлашувлар содир бўлиб туради. Флорентино бу ҳақда гапирди, мен буни кўрмадим, лекин ўқидим. Ҳар йили одамлар уришиб туради, бу нормал ҳолат.
Мен ҳаётимда ҳеч қачон ҳеч ким билан уришмаганман. Кимнидир гольф тайоғи билан уриш — худди Арбелуа айтиб берган воқеадагидек (аввалроқ мураббий матбуот анжуманида жамоадошларидан бири иккинчисини гольф тайоғи билан ургани ҳақида гапирган эди) бошқа нарса, кийиниш хонасида кичик жанжал чиқариш — мутлақо бошқа нарса. Бу дўстона муштлашув», — деди Пике.
Эслатиб ўтамиз, 12 май куни ўтказилган матбуот анжуманида Флорентино Перес «Эль Класико» олдидан машғулот пайтида яримҳимоячилар ўртасида бошланган оғзаки низо кийиниш хонасида муштлашувга айланиб кетганига муносабат билдирган эди.
