Jerar Pike «Real Madrid» kiyinish xonasidagi mushtlashuv borasida Florentino Peresning fikrlarini qo‘llab-quvvatladi
«Barselona» klubining sobiq himoyachisi Jerar Pike «qirollik klubi» futbolchilari Federiko Valverde va Aurelian Tchuameni o‘rtasida yuzaga kelgan janjal borasida Florentino Peresning fikrlariga qo‘shilishini bildirdi.
«Har yili kiyinish xonalarida mushtlashuvlar sodir bo‘lib turadi. Florentino bu haqda gapirdi, men buni ko‘rmadim, lekin o‘qidim. Har yili odamlar urishib turishadi, bu normal holat.
Men hayotimda hech qachon hech kim bilan urishmaganman. Kimnidir golf tayog‘i bilan urish — xuddi Arbeloa aytib bergan voqeadagidek (avvalroq murabbiy matbuot anjumanida jamoadoshlaridan biri ikkinchisini golf tayog‘i bilan urgani haqida gapirgan edi) boshqa narsa, kiyinish xonasida kichik janjal ko‘tarish — butunlay boshqa narsa. Bu do‘stona mushtlashuv», — dedi Pike.
Eslatib o‘tamiz, 12 may kuni o‘tkazilgan matbuot anjumanida Florentino Peres «El Klasiko» oldidan mashg‘ulot paytida yarimhimoyachilar o‘rtasida boshlangan og‘zaki nizo kiyinish xonasida mushtlashuvga aylanib ketganiga munosabat bildirgan edi.
