Жеко ЕКЛда гол урган энг ёши катта футболчига айланди
39 ёшида турнирда гол урган энг ёши катта ўйинчи сифатида тарихга кирди.
Фото: UEFA
“Фиорентина” форварди Эдин Жеко Европа Конференциялар лигасида гол урган энг ёши катта футболчига айланди.
Босниялик футболчи 2-турдан ўрин олган “Рапид”га қарши баҳсда жамоасининг иккинчи голига муаллифлик қилди.
39 ёшида турнирда гол урган энг ёши катта ўйинчи сифатида тарихга кирди.
Жеко жорий мавсумда барча турнирлар доирасида 10 та ўйин ўтказиб, 2 та гол урди.
Ҳужумчи фаолияти давомида “Вольфсбург”, “Манчестер Сити”, “Рома”, “Интер” ва “Фенербахче” каби жамоаларда ҳам ҳаракат қилган.
Розикжон Султонмуродов
Журналист