Жеко: «Бундай гўзал шаҳарда ва нуфузли клубида ўйнаш мен учун шараф»
Фото: Getty Images
“Фиорентина” ҳужумчиси Эдин Жеко янги жамоасига ўтиши борасида ўз фикрлари билан ўртоқлашди.
Босниялик 39 ёшли футболчи бир неча кун олдин “бинафшаранглилар” билан битим имзолаганди.
"Биринчи соатлар жуда ёқимли ва ўзига хос бўлди, чунки мен янги жамоадошларим ва клуб ходимлари билан танишдим. А Серияга қайтганимдан хурсандман. Бундай гўзал шаҳарда ва нуфузли клубда ўйнаш мен учун шараф," - дея ҳужумчининг сўзларини келтиради Sky Sport Italia.
Ўтган мавсумни Эдин Жеко Истанбулнинг "Фенербаҳче" клубида ўйнаган. Ҳужумчи "канарейкалар"нинг 53 та ўйинида қатнашиб, 21 та гол ва саккизта ассистни ўз ҳисобига ёздириб қўйган.
Розикжон Султонмуродов
Журналист