Жейми Варди А Сериядаги илк голини урди
У сентябрь ойи бошида эркин агент сифатида "Кремонезе"га ўтган эди.
ФОТО: Getty images
"Кремонезе" ҳужумчиси Жейми Варди Италия футболидаги илк голини урди.
38 ёшли футболчи "Аталанта"га қарши ўйинни асосий таркибда бошлади ва 78-дақиқада жамоасини ҳисобда олдинга олиб чиқди - 1:0.
Шу тариқа, англиялик форвард А Сериядаги илк голини уришга муваффақ бўлди.
Эслатиб ўтамиз, Жейми Варди сентябрь ойи бошида эркин агент сифатида "Кремонезе"га ўтган эди. Бунгача футболчи 13 йил давомида ўз ватанида "Лестер" шарафини ҳимоя қилган.
