Ўзбекистон U-17 Осиё Кубоги ярим финалига ишончли йўл олди, БААни мағлуб этди
17 ёшгача бўлган йигитлар ўртасидаги Осиё Кубоги чорак финалида Ўзбекистон ҳамда БАА терма жамоалари ўртасидаги учрашув якунланди. Ўзбекистон терма жамоаси Бирлашган Араб Амирликлари жамоасини 3:1 ҳисобида мағлуб этиб, ишончли ғалабага эришди.
Учрашувнинг барча учта голи биринчи бўлимда урилди. 14-дақиқада Асилбек Алиев БАА дарвозасини ишғол қилди. 36-дақиқада у дубл расмийлаштириб, устунликни оширди. Шунингдек, Сайфиддин Содиқов 45+5-дақиқада пеналтидан гол урди. Иккинчи бўлимда Ўзбекистон жамоаси битта гол ўтказиб юборди — 67-дақиқада Мухаммад Бути аниқ зарба йўллади.
Сариқ карточкалар: Убайд Омрон (12), Муҳаммад Насир (45+3) — БАА; Муҳаммад Ҳакимов (66), Миразиз Абдукаримов (90+7) — Ўзбекистон. Энди Ўзбекистон терма жамоаси Индонезия — Шимолий Корея учрашуви ғолиби билан баҳслашади.
Осиё Кубоги U-17. Чорак финал.
Ўзбекистон — БАА 3:1
Голлар: Асилбек Алиев (14, 36), Сайфиддин Содиқов (45+5, пен.) — Муҳаммад Бути (67)
