Ўзбекистон Кубоги. “Сўғдиёна” “Қизилқум”ни мағлуб этиб, 1/4 финалга йўл олди
Ўзбекистон Кубоги 1/8 финал босқичидан ўрин олган яна бир баҳс “Сўғдиёна” ва “Қизилқум” жамоалари ўртасида кечди. Якунда эса мезбонлар йирик 4:1 ҳисобида ғалаба қозонди.
Учрашувда ҳисоб 1-дақиқадоқ Самандар Мавлонқулов томонидан очилди (1:0). 8-дақиқада эса Муродали Усмонов мувозанатни тиклади (1:1).
18-дақиқада Зоир Жўрабоев жиззахликларни яна ҳисобда олдинга олиб чиқди (2:1). 50-дақиқада Станислав Андреев жамоасининг учинчи голига муаллифлик қилди (3:1)
Иккинчи бўлимга қўшиб берилган дақиқаларда эса Хондамир Мустафоқулов ҳам ўз номини таблога ёздириб қўйди (4:1).
Шу тариқа, “Сўғдиёна” турнирнинг чорак финалига йўлланма олди.
Ўзбекистон Кубоги | 1/8 финал
“Сўғдиёна” 4:1 “Қизилқум”
Голлар: Самандар Мавлонқулов 1' (1:0), Муродали Усмонов 8' (1:1), Зоир Жўрабоев 18' (2:1), Станислав Андреев 50' (3:1), Хондамир Мустафоқулов 90+2' (4:1).
