Ўзбекистон кубоги. \"Пахтакор\" Риаскоснинг дубли эвазига Про-лига вакилидан устун келди
Фото: Пахтакор ПФК
Ўзбекистон кубоги плей-офф босқичида “Пахтакор” клуби “ЖАР” стадионида “Олимпик Мобиуз”ни қабул қилди.
Ўйинда тажриба ва маҳорат эвазига “шерлар” 2:1 ҳисобидаги ғалабани қўлга киритди. Ўйинда дастлаб Браян Риаскос 44-дақиқада ҳисобни очди. Кейинчалик Бунёдбек Раҳимов мувозанатни тиклади. Колумбиялик ҳужумчи эса 81-дақиқада “Пахтакор”нинг ғалаба голига муаллифлик қилди.
Натижада Камолиддин Тожиев шогирдлари кейинги босқичга йўлланма олди.
Ўзбекистон кубоги. 1/8 финал
“Пахтакор” 2:1 “Олимпик Мобиуз”
Голлар: Браян Риаскос, 44 (1:0), Бунёдбек Раҳимов, 66 (1:1), Браян Риаскос, 81 (2:1)
Розикжон Султонмуродов
Журналист
