Ўзбекистон Кубоги. “Бухоро” ОКМКни мағлуб этиб, кейинги босқичга йўл олди
Ўзбекистон Кубоги 1/8 финал босқичидан ўрин олган баҳсда “Бухоро” ва ОКМК ўзаро тўқнаш келди ва якунда мезбонлар 3:1 ҳисобида ғалаба қозонди.
Учрашувда ҳисоб 25-дақиқада Йосип Томашевич томонидан очилди. “Бухоро” футболчиси ўз дарвозасини ишғол қилиб қўйди (0:1).
Бунга жавобан Жавоҳир Ильясов ҳам 31-дақиқада кутилмаганда ўз дарвозасига гол киритиб қўйди (1:1). 34-дақиқада Шоҳрух Норқонов мезбонларни ҳисобда олдинга олиб чиқди (2:1).
Биринчи бўлимга қўшиб берилган дақиқаларда Асилбек Қаюмов бухороликларнинг учинчи голига муаллифлик қилди (3:1).
Шу тариқа, “Бухоро” 1/4 финалга йўл олди. ОКМК эса Кубокдаги юришини нимчорак финалда якунлади.
Ўзбекистон Кубоги | 1/8 финал
“Бухоро” 3:1 ОКМК
Голлар: Йосип Томашевич 25' автогол (0:1), Жавоҳир Ильясов 31' автогол (1:1), Шоҳрух Норқонов 34' (2:1), Асилбек Қаюмов 45+1 (3:1).
